෴රික්තය෴

                  
   සුදු පාටින් කැරලි ගැහුන.......සිගරට් දුම
  පෙනහැල්ල පුරෝලා නෙක රටා මවලා නහයෙන්
  පිට වෙද්දී,
  මට දැනෙනවා.......
  මං හුස්ම ගන්නවා කියලා......
                       
  දවස් ගානක් පල් වෙච්ච අරක්කු වීදුරුව
  පපුව පුච්චගෙන පහළට ගිහින් අමාෂයට යද්දී
  ඔලුව කැර කෙනකොට,
  මට දැනෙනවා.........
  මං පපුවක් තිබූන කොල්ලෙක් කියලා.......

  සාරාගික ඇස්, ඇඟ හිරි වට්ටන සියුමැලි ඇගිලි තුඩුපහස   
  මුළු නිශාන්තයම......ඒ අභිසුරුලිය එක්ක
  යහන්ගත වෙද්දී,
  මට දැනුනා........
  මං ජිවත් වෙනවා කියලා..........  

  ආදරය තුල ගුලි වෙන්න, ප්‍රේමයේ සුව විදගන්න බැරුව
  ජිවිත මංසලේ මොහොතකට නවතිද්දී.......අහංකාර ඔය
  ඇස් අහක බලද්දී,
  මට දැනුනා............
  මං මේ ලෝකේ අතරමන් වෙලා කියලා...........