දේශපාලනය අකැපද......!!!

මට තියෙනවා ලොකු ප්‍රශ්නයක්.....ඒක තමා මට මේ දවස් වල වැඩියෙන්ම ලැබෙන උපදේශය.  "උබ කැම්පස් ගියාට කමක් නැහැ දේශපාලනය එහෙම කරනවා නෙමේ. පාඩුවේ ඉගෙන ගෙන ගෙදර එනවා මිසක්' යකෝ මේක මාර කෙලියක් නේ........ මාත් ටිකක් කලපනා කරලා බැලුව මේ ප්‍රශ්නය ගැන. මාත් ටිකක් නාහෙට අහන නැති අමුතු අදහස් තියෙන එකානේ. ඒත් දේශපාලනය නොකර දේශපාලනයට හසු නොවී අපිට ජිවත් වෙන්න පුලුවන්ද.....????

මම ඔහොම කල්පනා කර කර ඉන්න කොට මෙහෙම හිතුනා අවුරුදු 18 ඡන්දේ දාන්න පුලුවන්නම් අවුරුදු 21 සිගරට් කඩෙන් ගන්න පුළුවන් නම් කැම්පස් ආපු අපි දේශපාලනය කරන එක වැරදිද.......මම තවත් කල්පනා කළා......

මම මේ කතා කලේ පක්ෂ දේශපාලනයට ඔබ්බට ගිය දෙයක්. මෙහෙම ලියුවම ගොඩක් අය හිතන්නේ මම දැනටමත් දේශපාලනයට වැඩ කරන්න රතු ජෙප්පෙක් කියලනේ..........කරුනාකරලා මව ඒ ගොඩටනම් දන්නා එපා. මට ඕනේ මේක ගැන ප්‍රසිද්ධියේ කතා කරන්න.

මොකද කැම්පස් එක ඇතුලේ ඉන්නේ හය හතර නොදන්නා අය නොවන නිසාත්, මෙහි ඉගෙන ගන්නේ ලංකාවේ ඉන්න අධ්‍යාපනය අතින් හොදම කොටස නිසාත් ඔවුන් මෝඩයින් ලෙස සරල ලෙස හංවඩු ගැසීම ඉතා පිළිකුල් සහගත බවයි රස්තියාදුකරයාගේ හැගීම.

මට හිතෙන හැටියට සැම විශ්ව විද්‍යාල ශිශ්ෂයෙකුම විප්ලව වාදියෙකු විය යුතුයි. මට එකක් විස්වාසයි මේක ගොඩක් අය තේරුම් ගන්නේ වැරදියට කියලා. මේකේ විප්ලව වාදියෙකු යනු "වෙනස් දැක්මක් සහිත සහ වෙනස කියන අරුතයි."                                                      

කොහොමත් අපි දේශපාලනයට කැමති උනා හෝ අකැමති උනා හෝ අපි මේ හුස්ම ගන්න්නෙත් ගන්නනෙත් දේශපාලනය කියලා මොකක්දෝ පොතක තිබුනා කියලා මට මතකයි. එකත් ඇත්තනේ වී ඇටයක් බත් ඇටයක් වෙන තැනට එනකන් දේශපාලනේ කි පරාක්නම් හම්බ  වෙනවද.......පොහොර සහනාධාර, උපරිම මිල, අවම මිල, ජල කළමනාකරණය ආදී කී දාහක් නම් පියවරවල් පහු කර ගෙනද මෙතනට එන්නේ. ඒක නිසා අපි දේශපාලනයට අකමැති කියලා බත් නොකා ඉන්නවද. අපි අපේ වටිනාකම දන්නේ නැහැ, නැත් නම් අපි කවදාවත් "I hate politic" කියලා කියන් නැහැ.

මිනිසා දේශපාලනයමය සත්වයෙක් වීම තුල ඒක  තුල සැම විශ්ව විද්‍යාල ශිෂ්ශයෙකු තුල ඔහුට අනන්‍ය වූ වෙනම අභ්‍යන්තර දේශපාලනයක් තිබිය යුතුයි කියන එකයි මගේ හැගීම. මොකද විශ්ව විද්‍යාල ශිෂ්ශයෙකු යනු ඔහු පාලනය වනුයේ ස්වයං පාලනය තුල නිසාත් ඔහුව බාහිර වශයෙන් පාලනය අපහසු නිසාත් ඔහුට ඔහුට පාලනය කිරීමට ඔහුට අනන්‍ය වූ දේශපාලනයක් තිබිය යුතුයි.

විශේෂයෙන් විශ්ව විද්‍යාල ශිෂ්ශයෙකුට ස්වයං තීරණ ගැනීමට හැකියාවක් තිබිය යුතුමයි. තාමත් අර පාසල් කලේ වගේ ටීච කියන එකයි, පල්ලෙහා ගෙදර ඇන්ටි කියන එකයි අහ ගෙන ඉදලා ඒවා කරලා වැඩ නැහැ. මොකෝ ඒක අපි මුලු රටේම මිනිස්සුන්ට කරන අසාධරණයක්. 

මම දන්නවා මේ post එක මට සම්පුර්ණෙන් ලියා ගන්න බැරි වෙනවා. මොන වුනත් මම මේ කියන්නේ අධ්‍යාපනය සම්පුර්ණයෙන් නවත්වලා දේශපාලනය කරන්නන ඕනේ කියන එක නෙමේ. මේ කාලේ මුලික අරමුණ අධ්‍යාපනය නිසා ඒ කට මුලිකත්වය යොමු කල යුතුයි කියලා මම පිලිගන්නවා. ඒත් ඒ නිදහස් අධ්‍යාපනය රැක ගන්නත් දේශපාලනය සම්බන්ද වෙනවා. කොහොමත් විශ්ව විද්‍යාල උප සංස්කෘතිය ඇතුලේ දේශපාලනය එක අංගයක්.

නමුත් අපේ ජිවිතේ සැම දෙකටම දේශපාලනික වශයෙන් නිර්වචනය කිරීමත් හෙන වැරදි. එතකොට ඒ අදහස් කොටු වෙනවා.

කෙසේ හෝ වේවා වර්තමානය වෙන විට දේශපාලනය අපි තීරණය කරනවා වෙනුවට අපිව දේශපාලනය තීරණය කරනවා. එකයි  ඇත්ත.